有圖有真相，最近半年寶可夢鑑定卡市場完全經歷左一場「先暴升、後盤整」嘅瘋狂過山車。同大家用 3 個階段快速分析最新市況：
1️⃣ 穩步攀升期（12月 - 3月中）
基底非常健康！指數由 8-9 萬日圓水平，以 45 度角穩步爬升到大約 12 萬日圓。當時成交量（灰色柱）好平均，市場情緒溫和睇漲。
2️⃣ 爆發拉升期（3月中 - 4月中）🔥
全期最瘋狂嘅主升段！ 紅線（平均價格）近乎垂直飆升，直接衝破 13、14 萬，最高峰逼近 16 萬日圓。
關鍵細節： 爆發前夕出現左幾根「極端放量」嘅巨型成交柱，明顯有大筆熱錢或者大戶突然湧入市場，帶動整體 PTCG 板塊暴漲！
3️⃣ 高位盤整期（4月中 - 5月底現在）
衝高之後，目前喺 151,487円 水平打橫行。雖然最新數據按月微跌左 -0.7%、按日跌 -0.4%，但相比起年間暴升 +109.7%（賺成 79,255円），而家嘅微調絕對屬於健康嘅技術性修正（執雞/獲利回吐）。
💡 卡牌俠短評 / 密碼：
布林通道（舊橘色區間）開始「收口」，反映波動率下降，成交量亦見萎縮。
目前市場正喺 15 萬日圓附近尋找新嘅支撐位。如果喺呢個位築底成功，等下一波新彈（或者好似 sv9 嗰類新盒）刺激，隨時有機會再上一層樓；相反如果跌穿支持位，就要有心理準備迎來更深嘅回調。
各位卡友，你地覺得而家係高位派貨定係執平貨嘅好時機？